مجموعة رسايل للموبايل نكت الجزء الاول

واحد عصبي اتجوز واحده عصبيه, يوم الولاده... الولد بيقول للدكتور وسع إنت .. ابعد ...أنا هأنزل لوحدي..

دكتور عيون قاعد مع خطيبته في حديقه الاسماك معاه ورده قالها شايفه الورده دي يا حبيبتي.. قالت له ايوه... رجّع ايده لورا شويه ...وقالها طب وكده

مرة على طيارة المضيفة بتسأل الركاب:"مين دايخ؟" واحد رفع ايده,ادته حقنة.......مافيش ربع ساعه جت المضيفة و سألت تانى :"مين دايخ؟" نفس الراجل رفع ايده فأدته حقنه........و هكذا لغاية اخر الرحله لما جت تطمئن عليه لقيتة ميت فبطلع بطاقتة لقيت الأسم:"دايخ منصور"

واحد راكب اتوبيس وكان الأتوبيس زحمه وهو واقف فى الأتوبيس شاف واحده حلوه أوى فغمز لها راحت غمزت له راح مشاور لها تنزل المحطه الجايه ولما جت المحطه نزلت راح هو قاعد مكانها

واحد غبي جاله توأم دخل على مرته بالمسدس وقال : الأول ده منّي .. الثاني من مين ؟؟

مسطول بيسال صاحبه : هى الزيتونة السوده ليها رجلين؟؟ قاله لأ ، قاله: هممممممم يبقى اللى أكلتها خنفسه

واحد ماشى ف الشارع عمال يخبط على دماغه يخبط على دماغه ، فقابله واحد بيساله مالك يااستاذ عبده ؟؟؟ قاله ايييوووووه ....... عبدوووووووه

واحد من الجماعة المهمين سأل الاخ بوش في الخباثه : إنت ليه متأكد إن في نووي في العراق أجابه بوش : لأن معايا الوصل اللي أبويا باعهلهم بيه

قمة الهدوء........انك تسمع شريط فاضى وقمة الرخامة.......انك تقلب الشريط وقمة التناحة....... انك تعيد حتة عجبتك

مرة مدرس رياضة اتجوز مدرسة رياضة خلفوا ولد متساوى الساقين

فيل متجوز نملة.... إتعزموا في فرح ، بعد شوية الفيل حب يروّح فراح ينده مراته ، يعرف مراته من وسط النمل إزاي ؟؟؟؟؟؟؟؟؟ بسيطة هايلاقيها شايله فيل صغير

واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

مرة واحد محاسب إتجوز محاسبة خلفو بنت سموها ميزانية

لية الفراعنة كانوا عيال؟؟ علشان كانوا بيكتبوا ويشخبطوا على الحيطة

في راجل مراته بتعد تتكلم بالتليفون 3و4و5 ساعات تعد ترغي في حاجات هايفة فمرة لقاها اتكلمت نص ساعة فبيقوللها:إيه الحكاية متكلمتيش كتير ليه المرة دي ....قالتله:اصل النمرة جمعت غلط

مرة واحد شاعر ألّف بيت من غرفتين و مطبخ

واحدة بتقول لبنتها .. اتاخرتى كده ليه ساعة بتجيبى الطلباتا من السوبر ماركت ؟؟؟ قالتلها اصل كان فى واحد بيعاكسنى ياماما ... الام : طب ماجيتيش ليه بسرعة ؟؟ البنت : اصله كان ماشى بالراحة ياماما

ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد

هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه ..........

اتنين مساطيل ماشين فى الشارع الاول قال للتانى شايف الاتنين المساطيل الى بيصطادو من البلكونه الى فوق ، رد عليه التانى وقال سيبك منهم .. ادّف.. ادّف..

برص سكران بيقول لصاحبه .. لولا الخمرة والحريم كان زمانى بقيت تمساح دلوقتى

واحد اشترى موبايل فحب يعملها لمراته مفاجأة راح داخل البيت في السر واستخبى في الحمام واتصل بيها من الموبايل ولما ردت عليه قال لها ازيك يا حياتي أنا جاي في السكة قالت له :لأ اوعى تيجي دلوقت أحسن أبو سيد مستخبي في الحمام

واحد إشترى رغيف عيش جه ياكله لقى فيه ديل فار ، راح يتخانق مع بتوع الفرن قالوله دي مسابقة .....أكمل أجزاء الفار تكسب 10 أرغفة مجاناً

زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

واحد أحول راح يجيب أبوه من المطار باس الشنطة وشال أبوه

مرة 10 اغبياء بيلعبه على الطريق الصحراوى واللي تخبطة العربية مرتين يطلع برة اللعبة
تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع

دكتور دخل على مجانين لقاهم معلقين واحد فى السقف وكاتبين علية نجفه ، وواحد مجنون قاعد بعيد عنهم فى الركن ، فسالة اية اللى بيحصل؟ قالة شوف المجانين معلقين الراجل ازاى !! الدكتور قاله ماتروح وتنزله .... رد علية المجنون وقاله ونقعد فى الضلمة يا اخويا

مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك

طفل كل يوم يروح للبقال يقوله عند جبنه , يقوله أيوه يقوله طب هات حلاوة , تاني يوم عندك بيبسي , يقوله أيوه يقوله هات عصير , غلب البقال ولما اشتكى لوالد الطفل قاله الأب ما تزعلش المرة الجايه اضربه ...عندك عصايه قاله أيوه قاله اديله قلمين !!

سواق ماشى ع الطريق واحد لابس احمر فى احمر شاورلة فوقف السواق و قالة انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

واحد راح لبتاع الخضار قال له عندك ملوخيه خضراء قال له اة قاله مفييش الوان منها

واحد راح للدكتور بيقولو يا دكتور انا عندى صداع ، قالو بتنام والشباك مفتوح ولا مقفول ؟ طيب افتحه قبل متنام وتعالى بعد يومين ، جاله بعد يومين ، قاله الدكتور الصداع راح قاله الصداع راح والتلاجه راحت والتليفزيون راح و ....

دكتورة اسنان راحة ترفع قضيه على جوزها فالقاضى قال لها نخلعه؟ قلتلوا لأ لخلخه الاول لما نشوف هيعمل ايه

ارسلها لصديق مرة واحد مدرس سأل واحد تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى ابوك دفع كام؟ فقالو التلميذ يبقى دفع اتنين جنية ياأستاذ فقالو الاستاذ بص يابنى انت ماتعرفش حساب فقالو التلميذ لا ياأإستاذ دا انت اللى ماتعرفش ابويا

إتنين طرش واقفين على محطة الأوتوبيس فدار بينهم هذا الحوار الأوتوبيس ده رايح مصر الجديدة ؟؟ - إيه ؟ على الحديدة ؟؟ ليه إنت طالب إحسان ؟؟- بذرة الكتان ؟ تلاقيها عند العطار - الجزار ! إنت عاوز لحمة ؟؟ - زحمة ؟! معلش أصل ده معاد خروج الموظفين - نور الدين ؟! معرفوش - متشربوش ؟؟ ليه كفا الله الشر - راس البر ! دا مصيف هادى - المعادى ؟؟ دى ضاحية جميلة - بليلة !!! إنت جعان ؟؟ - عيان ؟؟ متروح للدكتور - حنطور ؟! دى مواصلة جميلة توصلك لحاد الباب - هباب ! و أنا إلى كنت فاكرك محترم - إتخرم ؟؟ هو مين ؟؟ - أسبرين ؟؟ ليه إنت عنك صداع ؟؟ - قراع ؟ دا مرض خطير- فطير ؟؟ د تقيل على المعدة و تمنه غالى - خالى ؟؟ إنت تعرفه ؟؟ دا كبير فى السن - جن ؟! إنت راكبك عفريت !!!! - كبريت ؟ عاوز تولع ؟؟ - أتدلع ؟؟؟؟! مفيش حد غيرك أتدلع عليه ؟؟ ...................... ، فمر بيهم راجل شرطة لقاهم بيتخانقوا فقالهم : واقفين هنا بتعملوا إيه ؟؟ قالولوا : مستنيين الإوتوبيس فقالهم : يانهاركم إسود .. جواسيس ؟؟ طب تعالوا معايا على القسم

ثلاثة قاعدين بيحششوا طب عليهم البوليس الاول جري والثاني طلع فوق السطح والثالث استخبه في البوكس .

اتنين حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى و رجع بعد ساعتين لقى اخوه بيعيط وبيقوله القطه ماتت قاله مش قولتلك لو غسلتها هاتموت قاله ماماتتش و انا بغسلها ماتت و انا بعصرها.....................

مرة واحد بلع بشكير ريقه نشف

محشش يسأل محشش تتوقع الجمعة يوافق آخر الشهر ؟ رد لو ضغطنا عليه يمكن يوافق

عيل راح لمامته قال لها الجيران بخلاء جداً قالت ليه ؟ قال لها لما ابنهم الصغير بلع بريزه فتحوا بطنوا

سباك راح فرح حلف ماحد ينقط

واحد غبى بطاريه المحمول بتاعته فضيت منه ، قام معضعضها

واحد واقف على الكوبري بيقول ,36,36,36,36 راح واحد سأله ايه حكاية ال36دي؟ قاله تعالى أوريك قام رماه من فوق الكوبري ..وقال 37,37,37,37