الوطن غالي

نجــــــــم الوطن غالي نجــــــــم
Shocked

حكايتي
حكايتي النهار ده مش
أي حكاية ، حاسس زي ما يكون
بركان ، انفجار جوايه ، ومش قادر اخبي
اللي حاسس بيـه ، ولكني أنا أيه اللي في أيدي
ولا اعمل أيه ، في حلمي شايف أم بتبكي وتقولي
احكي أتكلم عرفهم انه الوطن غالي ، وأم تانيه
تقولي قول للعرب عجبك حالي ، وأم بتصرخ
أغيثوني يا عرب ، أولادي ماتوا وبيتي
أتخرب ، في حلمي شايف شفاه اتحرمت
من الابتسامة ، ونظرات في
عيون أم كلهـــا ملامة

Shocked

أم في
حضنها طفلين ،
طفلين زي القمر حلوين
آخين توأم ، اسمهم حسن وحسين ،
وخداهم في حضنها وهم في دمهم
غرقا نين ، نفسها تصرخ بس صوتها
ضايع لكنها بتحاول ، في عيونها دمعه
بتحاول تدريها ، تضحك شويه
وتقول تحيا غزه ، وتبكي أوي
وتقول تحيا فلسطيـن

Shocked

في حلمي
شايف ، شايف طفل
واقف بيبكي ويضحك من بعيد ،
قربت منه وسألته بتبكي ليه ، قال
علي حال الأمة ، قولت وتضحك ليه....؟
قالي .... ! همـــوت شهيـــد ،
وادي كمان طفل واقف علي بعد كم
خطوه منه لهيب و نار ، وعيون
اتحرمت من الابتسامة ، ابتسامته
حرقها الدمار ، شايف طفل
علي شكل حمامه بيضه ، شعار السلام ،
ولكنها مضروبة بالنار

Shocked

علي صدرها دم وعلي
جناحه دم ، بالمختصر في
قلبي جرح وهم ما يتلم ، في كل
حته شايف دمار ودم شايف أطفال ونساء
وشيوخ محاصرين ، محاصراهم ناس لا ذمة
ولا دين ، شايف ناس في أيدها أغصان
زيتون ، بتصرخ يا عرب عجبك حال
غزه ، يا عرب عجبك حال فلسطين ،
شايف خراب .. شايف ضباب ،
شايف طفل واقف في ليالي سوده ما فها حتى شموع ،
قدام عيونه صواريخ مدافع طيران وقنابل
مسيله للدموع

Shocked

طفل
بفطرته ولكن
بينادي بصوت عاااااالي ،
يــا أمي إياكِ تشيلي همي ،
اللي استشهد أمبارح مش
غريب عني ، اللي استشهد أخويه وأبويه
وعمي ، أنا ابن فلسطين ..! إياك
تبكي الدم ده دمي ، التار
ده تاري ، ده دين
في رقبتي

Shocked

كل يوم
بشوف آلاف
بتموت عشان بتقول لا ،
وآلاف بتموت عشان بتقول
الحق ، وآلاف ماتت عشان قالت بلدي ،
يا غزة أولادك أبطال ،
مش هتتنازل مهما خراب الحرب طال ،
واقفين ومش خايفين ،
في حلمي شايف شاب يادوب
عدى من العمر الخامسة والعشرين ، قال
بلدي وانهال عليه الرصاص من أيدين
خاينين

Shocked

وفي لحظه سمعت صوت ،
صوت عالي ، بصيت وراية
لقيت أم بتصرخ ولدي ،
إترمت في حضنه ،
قامت بتضحك
قالت فداء
بلدي

Shocked

في
حلمي
شايف بنوته جميله
سمره ، من كتر البكى عنيها
حمره ، سألتها أنتي مين ،
ضحكت ضحكه بحرقه ،
قالت أنا خطيبة الشهيد ،
اللي وعدته إني أوهب له عمري ،
واللي يا ما قالي أنتي حبيبة عمري ،
ولكنه سابني وراح لبعيد ،
نسي وعده قابله حب جديد ،
حب الوطن كان أغلى ،
والشهادة عند ربه أسمى ،
ولكني هفضل طول
عمري علي ذكراه ،
ودبله هتفضل
في الأيد

Shocked

في حلمي
لقيت ناس
ساكتين ، ناس كنت
فاكر أنهم ظهر، لكن للأسف
طلعوا خائفين ، ناس اللي في أيدها
تعمله كتير ، ولكنهم مش عايزين ، منين
يجي النوم ، ومنين هعرف أنام ، وأنا شايف
الدم في كل مكان ، شايف الدم حتى في الأحلام
هي دي حكايتي ، حكاية الوطن الغالــــي ،
إحساسي بالذنب اللي مش سايبني فــي
حالي ، وحكام بلادنا بتقول وأنا مالي ، هي دي
حكايتي

Shocked

وقال أيه
ناس تقول مصر خاينه ،
طيب وانتم ليه مش عاملين ،
انتوا ليه ساكتين مش
هقول معانا الحق ، ولكن نشيل
الحمل لوحدنا لا ، لازم نكون
واحد ، عشان القضية وحده ،
والحلم واحد .
مصـر بتقول كمبد يفيد
والسلام ، وغيرها يقول
مجلس الأمن والفيتو ومش
عارف مين

Shocked

متمسكين بكلام
فاضي وإحنا بالنعال مضروبين ،
وادي البرهان ، اللي حاصل في بلادنا
في الأمة العربية ، في العراق ،
وفي لبنان ، وفي غزه ، في فلسطين
ناس تقول الخيانة من
فلان ، وفلان يقول لا ..!
عمالين نلف وندور ، وخايفين نقول
الحق ، والحق هو القوه ..!
واللي يملكها
دائمــاً
أحق

Shocked

شباب
قالت بلدي ،
الوطن غالي ، ضحت
بدمائها ، كان ممكن تقول أنا مالي ،
لكنها وقفت وقفة رجولة ، ودفعت
الثمن غالي ، دفعت دمائها ثمن للأرض
ثمن للدفاع عن العرض ، ثمن عشان
تحقيق الأحلام ، ثمن عشان الجيل
القادم يعيش مرفوع الرأس ،
يعيش سلام ،ثمن لأن الوطن
غالي

Shocked

اصحي
اصحي يا أمه
يا عربيه ، حماس وفتح
مش هم القضية ، القضية حقيقة
سوده مرسومه قدام عنيا ، وهي سبب
سبب وجود غزه تحت النار ، تحت الحصار ،
سبب نكسة سبعه وستين ، الحقيقة المرة
هي خوفنا ، وحقوقنا بتضيع وإحنا
عاجزين ، مش وقت لوم ولا
الخلل من مين ومين لكن آن الأوان
نشيل من فوق رؤوسنا
الطين

Shocked

اصحي يا امة
نفسي نرد اعتبارنا زي انتصار
نصر الله في 2008 ، أو ترجع
هيبة 6 أكتوبر ، 10رمضان ، 73 ، وتحقيق
حلم عمرنا اللي حلمناه سنين ، خط برليف
اللي كان معيشنا في رعب ، وذاب
في أيدنا بالعزيمة وبشوية مي ، ورجعنا
منتصرين ، شجاعة الزيدي وفرحة قلوب
الملايين ، ضرب إبليس بالـ جزمه وكلنا شاهدين ،
هي دي الهيبة اللي غايبه عنا ،
سبين العدو ومسكين لبعضنا سكاكين ،
عايزين نأكل بعض أحياء أو بالعامية
حيين

Shocked

لازم
يا عرب نتوحد
وتبقي الأيد في الأيد ،
صدقوني سعتها بس ممكن نفوت
في الحديد ، ولكن ده حلم ، وده اللي
أنا شايفه في حلمي ، الحلم
اللي قلق منامي ، مش مهنيني
في نومي ، خلاني هطلع
من هدومي ، الحلم اللي
بينا وبينه خطوه ،
وشايفينه بعيد لأننا
خايفين

Shocked

{ السلام }
الحلم اللي راح
علشانه ألف شهيد و شهيد ،
الحلم اللي علشانه دماء سالت ، ولسه بتزيد ..!
السلام اللي علي حق ، سلام الخير والحق
السلام اللي بعدل ربنا ، لكن علي حسابنه لا ،
السلام اللي بكرامتنا ، اللي يبقي أمن وأمان
للملايين ، السلام اللي تسانده القوه ، اللي
تحفظ كرامتنا ، اللي تخلينا مش خايفين ،
نعيش في أمن ، نعيش في أمان ، لكن
تكون أيدنا تقيله ، علي الإرهاب
والمحتلين ، ونعرف ناخد حقنا

Shocked

من حبات
عيون اللي يلمس
أرضنا ، مش نتنهب ، ونفضل ساكتين ،
هو ده السلام والـ القوه
شرطيــن متوفرين
السلام الحق ، لو واحده نقصت
منهم يبقي عليه العوض ،
ضايعين .. ضايعين أتوحدوا
يا عرب ، بلاش كلمة وأنا مالي ،
يا إخوانا صدقوني الوطن
الغالي .

نجــــــــم حقوقنا بتضيع واحنا للاسف لسه نايمين نجــــــــم
الجنرال والحب
Shocked

جامد جدا
تسلم ايدك
وسوري علي التاخر في الرد

مشكوور خيو